Studio Time 17th February 2019, Sunday

सामुदायिक रेडियो, रेडियो निकास ९३.४ मेगाहर्ज

हेटौंडा–४ कान्तिराजपथ (राधाकृष्ण भवनको दोस्रो तल्ला)

ON AIR....

भजन

UP Next....

साझा खबर CIN

आन्दोलनलाई कमजोर नठान

 

हेटौंडा,११ भाद्र ः शुक्रबार संघीय समाजवादी फोरम नेपाल मकवानपुरले आयोजना गरेको बिरोधसभामा बोल्ने बक्ताहरुले अधिकार र पहिचानको आन्दोलनलाई कमजोर नठान्न आग्रह गरेको छ ।

केन्द्रले तयार पारेको आन्दोलनको खाका अनुसार मकवानपुरमा पनि र्याली सहितको बिरोधसभाको आयोजाना गरेको हो । र्याली पार्टी कार्यालय मानसचोकबाट सुरु भएर बुद्धचोकमा पुगेर कोणसभाा परिणत भएको थियो । संघीय समाजवादी फोरम मकवानपुरका अध्यक्ष शुभरत्न गोलेले बिरोधसभालाई सम्बोधन गर्नुहुदै पहिचान सहितको संघीयता प्राप्तीको आन्दोलनलाई सरकारसंग कमजोर नठान्न र आन्दोलनलाई दमन नगर्न चेतावनी दिनुभएको थियो । गोलेले आन्दोलनलाई दबाउन खोजे झनै ठुलो बिद्रोह हुने बताउनु भएको थियो । गोलेले हालसालै भएको थरुहटको आन्दोलनले टिकापुरमा निम्त्याएको घटना केही नेताहरुको अहंकार र दमनले गर्दा घटेको बताउनु भएको थियो ।  त्यसैगरी उक्त बिरोधसभालाई सम्बोधन गर्नुहुदै पार्टी निकट अग्रगामी विद्यार्थी युनियन मकवानपुरका अध्यक्ष शुभराज भोम्जनले  सरकारलाई अधिकारको आन्दोलनलाई ब्यंगात्मक रुपमा अझै दमन गर भन्दै मन्तब्य राख्नु भएको थियो । त्यसैगरी भोम्जनले नेपाली जनताले गरेको आन्दोलनलाई सत्ता पक्षले निस्तेज पार्न सकेको कुनै पनि ईतिहास नरहेकोले चारदललाई आफ्नो क्रुरताको बाटोलाई बदल्न आग्रह गर्नुभएको थियो । साथमा अध्यक्ष भोम्जनले  नेपाली जनताले उठाउदै आएको पहिचान,अधिकार,संघीयता,धर्मनिरपेक्षताको पक्षमा भएको आन्दोलनलाई उद्योगी,ब्यापारी,कलाकार,बुद्धिजिवीबर्ग,पत्रकार,शिक्षक,युवा तथा विद्यार्थी वर्गहरुलाई सहयोग गर्नको लागि आह्वान गर्नुभएको थियो । भोम्जनले आफ्नो मन्तब्य राख्दै आन्दोलनकारीहरुले कुनै नया कुरा नमागेको   तर अन्तरीम संविधान ०६३ लाई कार्यान्वायन र बिभिन्न समयमा भएको आन्दोलनमा भएको सम्झौताहरु कार्यान्वायन गर्नको लागि मात्र दवाब स्वरुप आन्दोलन गरेको स्पष्ट पार्नुभएको थियो ।  बिरोधसभामा पार्टीका बिभिन्न तह र तप्काका नेताकार्याकर्ताहरुको उपस्थिति रहेको थियो । 

More

रेडियो परिवार

More

नयाँ भिडियो