Studio Time 20th July 2018, Friday

सामुदायिक रेडियो, रेडियो निकास ९३.४ मेगाहर्ज

हेटौंडा–४ कान्तिराजपथ (राधाकृष्ण भवनको दोस्रो तल्ला)

ON AIR....

UP Next....

भजन

अझै खुलेन युनिलिभर

हेटौंटा  । बहुराष्ट्रिय कम्पनी युनिलिभर नेपाल लिमिटेडले आफ्नो हेटौंडा बसामाडीस्थित कम्पनी अझै खुल्न नसकेको स्पष्ट गरेको छ ।

कतिपय सञ्चारमध्यममा सोमबार उपभोग्य सामाग्रीको उत्पादन गर्ने युनिलिभरको उद्योग खुलेको खबर आएपनि युनियनका नेताहरुबाट कार्यसञ्चालनमा गरिएको अवरोधकोे कारण कम्पनीको तालाबन्दी यथावत नै रहेको बताएको छ ।

औद्योगिक सम्बन्धका मुद्दाहरुका कारण गत असार २६ गतेदेखि उद्योगको सामान्य काम(कारबाहीमा गम्भिर अवरोध सिर्जना भइरहेको कम्पनीले जारी गरेको विज्ञप्तिमा उल्लेख छ ।

उद्योग व्यवस्थापनले वार्ताका माध्यमबाट समस्या समाधान गर्न र बाध्य तुल्याउने रणनीति छाड्न कामदारका नेताहरुलाई पटक(पटक अपिल गरेको छ । तर, कर्मचारी युनियनका नेताहरुले अनुचित दबाबको रणनीति कायमै राखेर व्यवस्थापनलाई दैनिक कार्यसञ्चालनमा अवरोध गरेको कम्पनीको दावी छ ।

यसैका कारण युनिलिभरले उत्पादन गरेको दैनिक उपभोग्य सामानहरु बजार पठाउने कार्य नराम्रोसँग प्रभावित भएको विज्ञप्तिमार्फत जानकारी दिइएको छ ।

युनियनको अवैधानिक हड्तालका कारण उद्योगको नियमित सञ्चालनमा अवरोध भन्दै साउन २३ गते देखि उद्योगमा तालाबन्दी गर्न आफू बाध्य भएको व्यवस्थापनले तर्क गरेको छ ।व्यवस्थापनले उद्योगमा तालाबन्दी गरिएको सूचना उद्योग परिसरमा टाँस गरी विभिन्न वैधानिक निकायहरुलाई जानकारी गराएको जनाएको छ ।

ुकारखानाको अवस्था र विद्यमान परिस्थितिले गर्दा कारखानाको नियमित संचालन बन्द रहेको कुरा जिल्ला श्रम कार्यालय हेटौंडा, जिल्ला प्रशासन कार्यालय मकवानपु र जिल्ला प्रहरी कार्यालय, हेटौंडालाई जानकारी दिइएको छु विज्ञप्तिमा भनिएको छ ।

विगतमा विनाशकारी भूकम्प तथा इन्धन अभाव लगायतका कारण चुनौतिहरु भोग्नु परेको भन्दै जटिल परिस्थितिमा पनि आफ्ना कर्मचारीप्रति प्रतिवद्ध रहेको स्मरण युनिलिभरले गराएको छ । उसले अहिलेका घटनाक्रमहरुलाई दुर्भाग्यपूर्ण भनेको छ । कम्पनीका १ सय ५४ जना कर्मचारी कार्यरत छन् ।

 र

More

रेडियो परिवार

More

नयाँ भिडियो